ریاست اتر پردیش کے ضلع گوتم بدھ نگر کے نوئیڈا میڈیا کلب میں بار ایسوسی ایشن گوتم بدھ نگر رجسٹرڈ میں یوم تسیس کی تقریب منعقد ہوئی، اس دوران مشاعرہ، کوی سمیلن اور اعزازی تقریب کا بھی انعقاد کیا گیا۔
اس موقع پر ایسوسی ایشن نے 30 وکلاء کو یادگاری نشان دے کر اعزاز سے نوازا۔ اس کے علاوہ دیگر وکلاء کو سند و دیگر اعزازت سے بھی نوازا گیا۔ معروف وکیل ایم ایچ نقوی نے پروگرام کی نظامت کے فرائض انجام دیے جبکہ رئیس مظفرنگری نے حب الوطنی پر مبنی اشعار پیش کیے۔ دیگر شعرا شیام سندر پاٹھک، کم کم جوشی نے بھی کوی سمیلن میں حصہ لیا۔
ایسوسی ایشن وقفے وقفے پر سماجی کاموں میں بھی بڑھ چڑھ کر حصہ لیتی رہی ہے۔ اس دوران کسانوں کی تحریک کو بھی حمایت دی ہے اور آگے بھی جاری رکھنے کا عزم ظاہر کیا ہے۔
ایڈیشنل انکم ٹیکس کمشنر گوتم بدھ نگر چندر بھوشن سنگھ بطور مہمان خصوصی شریک ہوئے، اس موقع پر آر پی سنگھ پیٹرن، آلوک یادو صدر، آر کے سجن نائب صدر اور منیش بھاردواج جنرل سیکریٹری سمیت بہت سے وکلا موجود رہے۔
