بنارس کی چاٹ میں ضرور کچھ خاص بات ہے کہ لوگ دور دور سے یہاں کھانے کے لئے آتے ہیں۔ ان چاٹوں کو بہت اہتمام سے بنایا جاتا ہے۔
پورے ملک میں مشہور ہے بنارسی چاٹ
دکان سجا کر رکھی جاتی ہے اور لوگوں کو گرماگرم چاٹ پیش کی جاتی ہے۔ چاٹ میں آلو کے سموسے، آلو چب، بنارس کی خستہ کچوریاں۔
ٹماٹر سے بنائی ہوئی چاٹ جس میں مٹر، ٹماٹر اور بہت ساری چیزیں ڈالی جاتی ہیں اور ان کو توے پر فرائی کیا جاتا ہے۔
پھر اوپر سے چٹنی، دھنیا ہری مرچ وغیرہ ڈال کے گارنش اور ٹاپنگ کی جاتی ہے جس سے وہ نہایت خوبصورت اور لذیذ دکھائی دینے لگتے ہیں، اس کے ساتھ چھولا، کچوری کے ساتھ چٹنی بہت ہی مزے دار ہوتی ہے۔
اس سلسلے میں جب ایک دکاندار سے بات کی گئی اور ان سے پوچھا گیا کہ اس میں کیا خاص بات ہے تو انہوں نے اس کی تفصیل بتائی اور کہا 'اس طرح کی چیزیں صرف بنارس میں ہی بہت اچھی ملتی ہیں یہ لذت کہیں اور نہیں ملتی۔'
