ریاستِ اترپردیش کے ضلع بنارس کے جیت پور تھانہ علاقے کے تحت آنے والے مختلف حساس مقامات پر فلیگ مارچ کیا گیا اور لوگوں کو کورونا وائرس سے بچنے کے لیے احتیاطی تدابیر پر عمل کرنے کی بھی ہدایت دی گئی۔
بنارس کے جیت پورہ تھانہ علاقے کے تحت آنے والے دوسی پورہ علاقے کو حساس سمجھا جاتا ہے جس کے مدنظر پولیس مسلسل علاقے پر نظر بنائے ہوئے ہے اور فلیگ مارچ بھی کر رہی ہے۔
پولیس نے لوگوں کو کرونا وائرس سے بچنے کے لیے احتیاطی تدابیر پر عمل کرنے کرنے کا بھی اعلان کیا
بنارس کے دوسی پورہ علاقہ میں شیعہ اور سنی کے مابین برسوں قبل فساد ہو چکے ہیں لیکن گزشتہ طویل مدت سے شیعہ اور سنی آپسی اتحاد کے ساتھ رہ رہے ہیں، اس کے باوجود پولیس انتظامیہ مستعد ہے اور مسلسل فلیگ مارچ کر رہی ہے اور شر پسند عناصر پر نظر رکھ رہی ہے تاکہ پر امن طریقے سے محرم منایا جا سکے۔
