Sabotage At Religious Place in Kanpur کانپور میں بجرنگ دل کارکنان نے مزار کی دیوار توڑی

کانپور کے چنّی گنج علاقے میں ایک مزار کے راستے پر لگائے جا رہے گیٹ کی وجہ سے تنازع اتنا بڑھ گیا کہ بجرنگ دل کے کارکنان نے گیٹ توڑ دیا اور مزار کی دیوار بھی توڑ دی جس کی وجہ سے علاقہ میں کشیدگی پھیل گئی۔ Bajrang Dal Workers broke Shrine In Kanpur

کانپور، یوپی: کانپور کے چننی گنج علاقے میں پی ڈبلیو ڈی کے بنگلے کے بغل میں پی ڈبلیو ڈی کی زمین پر بنی ایک پرانی مزار کو لے کر اس وقت تضاد پیدا ہو گیا جب اس کو جانے والے راستے پر ایک گیٹ کو لگایا جارہا تھا علاقائی لوگوں نے گیٹ کو لگانے کو لے کر پہلے اعتراض کیا مگر جب اختلاف زیادہ بڑھا تو بجرنگ دل کے کارکنان موقع پر پہنچ گئے اور انہوں نے زبردستی گیٹ کو توڑ دیا، Sabotage At Religious Place

بتایا جارہا ہے کہ مزار سے منسلک پی ڈبلیو ڈی کا ایک کمرہ تھا جس پر مزار کے لوگوں کا قبضہ تھا اور اس پر مزار کا بورڈ لگا ہوا تھا، اختلاف کی خبر اور بڑھتے تشدد کو دیکھتے ہوئے موقع پر پہنچی پولیس نے پہلے پی ڈبلیو ڈی کے افسران کو بلایا اور مزار کے بارے میں حقیقت جاننے کے بعد پولیس کی موجودگی میں پی ڈبلیو ڈی کے افسران نے کمرے کو سیل کر دیا کمرے پر لگے مزار کے بورڈ کو بھی اتروادیا لیکن ان سب کے باوجود پولیس کی موجودگی میں بجرنگ دل کے کارکنان نے مزار سے منسلک راستے کی دیوار کو توڑ دیا جس پر پولیس نے انہیں تشدد کے خلاف کوئی بھی کارروائی نہیں کی کہ حالات قابو میں رہیں۔ Bajrang Dal Workers broke the Wall of the Shrine In Kanpur

پولیس کا کہنا ہے کہ مزار کی جو پوزیشن پہلے تھی اس پوزیشن کو ویسے ہی برقرار رکھا جائے گا، کسی بھی طریقے کی کوئی بھی نئی تعمیر نہیں ہونے دی جائے گی، پولیس کا یہ بھی کہنا ہے کہ یہ معاملہ پی ڈبلیو ڈی کی زمین پر کا ہے اس لیے اس پر فیصلہ پی ڈبلیو ڈی کے افسران کو کرنا ہے۔ پولیس نے پر تشدد لوگوں کے خلاف کسی بھی طرح کی کوئی قانونی کارروائی نہیں کی ہے۔