ریاست اترپردیش کے ضلع رامپور میں پانچ روز قبل ہوئے مظاہرے کے بعد ایک افراد تشدد میں ہلاک ہو گیا تھا۔ اس معاملے میں سماجوادی پارٹی کے قدآور رہنما اور رکن پارلیمنٹ محمد اعظم خاں کے بہت سے قریبی لوگ پولس کی یک طرفہ کارروائی کا شکار ہوگئے ہیں۔ لہزا اعظم خان نے بریلی آکر اے ڈی جی زون اویناش چندرا سے ان کی رہائش گاہ پر ملاقات کی۔
تقریبا اپنے بیس ساتھیوں کے ساتھ رامپور سے بریلی پہنچے محمد اعظم خان نے اے ڈی جی زون کو بتایا کہ گزشتہ 21 دسمبر کو پیش آنے والے مظاہرے کے بعد تشدد میں پولیس نے ان لوگوں کے خلاف کارروائی کی ہے، جو اس دن گھر تو کیا بلکہ رامپور شہر میں بھی نہیں تھے۔
انہوں نے کہا کہ اگر غلطیوں کی اصلاح نہیں کی گئی تو سماجوادی پارٹی احتجاج کرنے پر مجبور ہوگی۔
اے ڈی جی نے مزید کہا کہ پولس انتظامیہ صفر رواداری کی پالیسی پر کام کر رہی ہے۔ کسی کے ساتھ امتیازی سلوک نہیں کیا جائے گا لیکن بدامنی، تشدد اور ماحول خراب کرنے والے لوگوں کو کوئی رعایت نہیں دی جائےگی۔
انہوں نے محمد اعظم خاں سے کہا کہ اگر وہ چاہے تو تحریری طور پر شکایت دے سکتے ہیں۔
اے ڈی جی سے کارروائی کی یقین دہانی کرانے کے بعد محمد اعظم خاں رامپور واپس لوٹ گئے۔ ان کے ساتھ رامپور میں سماجوادی پارٹی کے ضلع صدر اکھلیش سنگھ، شہر صدر عاصم رضا، سابق ایم ایل اے وجئے سنگھ کے علاوہ بریلی کے سماجوادی پارٹی کے رہنما سرفراز ولی خان بھی موجود تھے۔
