انوشکا میرٹھ کے کرشنا نگر میں اپنے نانا نانی کے ساتھ اس وقت رہ رہی ہیں۔ دو ماہ قبل انوشکا کو ان کی سوتیلی ماں بھارتی نے اسکول سے اغوا کرنے کی کوشش کی تھی لیکن وہ کامیاب نہیں ہوسکی تھیں۔
انوشکا کا الزام ہے کہ ان کی ماں کو ان کے والد نے قتل کر دیا تھا جس کے بعد انہوں نے دوسری شادی کرلی۔ انوشکا کے مطابق وہ اپنے ماں کے قتل کی اکیلی گواہ ہیں جس کی وجہ سے ان کی سوتیلی ماں اور باپ ان کے لیے جان کا خطرہ بنے ہوئے ہیں۔
ان کا کہنا ہے کہ اغوا کی شکایت میرٹھ کے تھانہ پلو پورم میں درج کرائی گئی ہے لیکن پولیس کوئی بھی کارروائی نہیں کر رہی ہے جس کی وجہ سے تین بار ایس پی آفس آکر انصاف کا مطالبہ کیا لیکن افسران اس پر کارروائی نہیں کر رہے ہیں۔
انوشکا کے والد کرشن نوئیڈا کے رہنے والے ہیں دو ماہ قبل انوشکا کی والدہ کا قتل ہوا تھا اب وہ اپنے نانا نانی کے ساتھ میرٹھ کے کرشنا نگر میں رہ رہی ہیں۔ انوشکا کا خواب ہے کہ وہ تعلیم حاصل کر آئی پی ایس بنے گی۔
