ریاست اترپردیش میں ضلع کانپور کے دیہی علاقے میں لاک داؤن کی ڈیوٹی پر تعینات پولیس اہلکاروں پر گاؤں والوں نے حملہ کر دیا۔ اس دوران گاؤں والوں نے پولیس کی ٹیم پر خوب پتھر اور ڈنڈے برسائے، جس کے سبب پولیس اہلکاروں کو جان بچا کر بھاگنا پڑا، حالانکہ اس حملے میں تین تھانہ انچارج ،دو خواتین پولیس اہلکار شدید طور پر زخمی ہو گئے جن کو ضلع ہسپتال میں منتقل کرایا گیا ہے۔
اطلاعات کے مطابق دیگر پولیس افسران کا کہنا ہے کہ کانپور کے دیہی علاقے میں واقع رسول آباد میں سبھی پولیس اہلکار لاک ڈاؤن کو لے کر ڈیوٹی پر تعینات تھے۔ تبھی رسول آباد چوراہے سے کچھ لوگ بنا ماسک کے گزر رہے تھے، پولیس نے ان کو روکا تو اچانک وہ پولیس پر جان لیوا حملہ کر دئے۔ جس میں کئی پولیس اہلکار شدید طور پر زخمی ہو گئے جن کا علاج ضلع ہسپتال میں کیا جا رہا ہے ۔
اس معاملے میں پولیس نے فی الحال چار ملزمین کو گرفتار کیا ہے،دیگر کی تلاش جاری ہے ۔
