اترپردیش میں ضلع مظفرنگر کے منصور پور تھانہ علاقے کے گاؤں پوربالیان میں واقع ایک کھیل میدان میں جانے والے راستے پر گاؤں کے دبنگو نے غیرقانونی طور سے قبضہ کر لیا ہے، اس معاملے میں آج علاقے کے سینکڑوں کھلاڑیوں نے مظفرنگر ضلع مجسٹریٹ دفتر پہنچ جم کر احتجاج کیا۔
اس سے تعلق صحافیوں سے بات کرتے ہوئے کھلاڑی روی بالیان نے بتایا کہ 'ہمارے پوربالیان گاؤں میں ایک کھیل کا میدان ہے، جس میں ہم سبھی کھلاڑی پریکٹس کرتے ہیں۔ اس کھیل کے میدان میں گورنمنٹ کے ذریعہ ایک راستہ بھی دیا گیا ہے، جس پر گاؤں کے کچھ لوگوں نے غیر قانونی طریقے سے قبضہ کر لیا ہے، جس سے ہم کھلاڑیوں کو کافی پریشانیوں کا سامنا کرنا پڑرہا ہے۔
روی بالیان نے کہا کہ 'ہم کھلاڑی ضلع انتظامیہ سے مطالبہ کرتے ہیں کہ وہ اس غیر قانونی قبضے سے میدان کو آزاد کرائے تاکہ کھلاڑی اس میدان میں آسانی کے ساتھ پریکٹس کرسکیں۔
