ملک میں كورونا انفیکشن کے بڑھتے کیسز کے ساتھ ہی ریاست اتر پردیش کے ضلع میرٹھ میں بھی اس کے مریضوں کی تعداد میں اضافہ دیکھا جا رہا ہے۔ اسی کے پیش نظر میرٹھ ضلع مجسٹریٹ کی جانب سے ہفتہ میں روسٹر کے مطابق بازاروں كو دو حصوں میں کھولنے کے فرمان سے كاروباریوں میں ناراضگی ہے۔
کاروباریوں کا ماننا ہے کہ 'بازار كو ان پانچ دنوں کے درمیان دونوں جانب واقع دکانوں کو کھولنے کی اجازت دی جائے نہ کہ روسٹر کے مطابق اس پر عمل کرایا جائے۔ ساتھ ہی کاروباریوں نے بازار کھولنے کے وقت میں بھی اضافے کی مانگ کی ہے'۔
یہ بھی پڑھیں: میرٹھ: لاک ڈاؤن میں عوام کا بھرپور تعاؤن
واضح رہے کہ اتر پردیش حکومت کے ہفتہ میں پانچ دن بازار کھولے جانے کے احکامات کے بعد میرٹھ میں ضلع انتظامیہ کی جانب سے جاری گائیڈ لائن کے مطابق بازاروں كو روسٹر کے حساب سے (ایک دن دائیں طرف کی دکانیں اور دوسرے دن بائیں طرف کی دکانیں) کھولے جانے کا فرمان جاری کر دیا گیا ہے۔ جس سے كاروباریوں میں ناراضگی دیکھی جا رہی ہے۔
