بنارس: کاشی کے دو نوجوانوں نے ایک ایسا ایپ بنایا ہے جس سے گمشدہ موبائل فون کے ملنے کے امکانات بڑھ جائیں گے۔ آج کل بینکنگ سے لیکر ٹکٹ بکنگ اور تقریباً تمام اہم کام موبائل کے ذریعے ہی کیے جارہے ہیں۔ ایسے میں موبائل فون اگر گم یا چوری ہو جائے تو زندگی تھم سی جاتی ہے۔ خاص طور پر چوری کی صورت میں موبائل کا دوبارہ ملنا تقریباً نہ کے برابر ہوتا ہے۔
اس پریشانی سے نجات دلانے کے لئے کاشی کے دو انجینئر دوستوں نے'CMS ANTI THEFT 9' ایک نایاب ایپ بنایا ہے، اس ایپلیکیشن کی خاصیت یہ ہے کہ چور موبائل کو بند نہیں کرسکے گا۔ اس کے ساتھ ہی موبائل کی لوکیشن بھی مسلسل دستیاب رہے گی۔
اس ایپلیکیشن کو بناتے وقت دونوں نوجوانوں نے خواتین کی تحفظ کا بھی خاص خیال رکھا ہے۔ اس ایپ کو اپنے موبائل میں رکھنے والے خواتین جب بھی کوئی مشکل میں ہوں گے تو اس ایپلیکیشن کی مدد سے اس کی صحیح لوکیشن کا پتا چل جائے گا۔ اس کے علاوہ اس میں نصب پاور بٹن کو تین بار دبانے سے 100 سے زیادہ لوگوں کے موبائل پر ایمرجنسی کال اور لوکیشن چلی جائے گی۔ app will protect women
مزید پڑھیں:
جانکاری کے مطابق اس ایپلیکیشن کو تیار کرنے والے ابھیشیک اور محمد ادیر بیرون ملک سے انجینیئرنگ کی تعلیم حاصل کرنے کے بعد بھارت آئے اور ایک سال کی کڑی محنت کے بعد یہ ایپ تیار کیا، ابھیشیک نے بتایا کہ یہ ایپ موبائل چوری کے بعد ایکوریٹ ٹائم اور لوکیشن بتائے گا کہ اس وقت چوری شدہ موبائل کہاں ہے۔ اس ایپلیکیشن کی سب سے بڑی خاصیت موبائل فون کو بند نہ ہونے دینا ہے۔ دونوں نوجوانوں کا کہنا ہے کہ 'ہم صرف یہ چاہتے تھے کہ معاشرے میں تبدیلی آئے، خواتین کی تحفظ اور موبائل چوری کے واردات کو کم کیا جائے۔
