اس ضمن میں آلودگی پر قابو پانے کے لیے ضلعی انتظامیہ نے ایک بڑی کوشش کی ہے۔ ضلع انتظمیہ نے دو مقامات پر انسداد 'اسموگ گن' نصب کیا ہے۔
آلودگی پر قابو پانے کے لیے اینٹی اسموگ گن نصب
خیال رہے کہ آلودگی کنٹرول بورڈ کے عہدیداروں نے سپریم کورٹ کی ہدایات پر یہ قدم اٹھایا ہے، جس کے تحت سیم سنگ الیکٹرانکس انڈیا اور گور سنز گریٹر نوئیڈا میں اینٹی اسموگ گن لگائی گئی ہیں، جس کے تحت آلودگی کو کم کرنے کی کاروائی عمل میں لائی جائے گی۔
آلودگی کنٹرول بورڈ کے ریجنل آلودگی افسر نے یہ بھی بتایا کہ سپریم کورٹ کی ہدایت کے مطابق دیگر مقامات پر بھی اینٹی اسموگ گن لگانے کی کاروائیوں پر غور کیا جارہا ہے۔
انہوں نے کہا کہ مستقبل میں مزید اینٹی اسموگ گن نصب کرنے کا پلان ہے، جہاں آلودگی زیادہ حد تک خطرناک ہے۔
