ریاست اترپردیش کے ضلع بریلی کے اسلامیہ انٹر کالج سے دھرنا ختم ہونے کے بعد نئے مقام پر دھرنا دیئے جانے کے اطلاع پر ضلع انتظامیہ اور پولیس افسران موقع پر پہنچ گئے اور دھرنا ختم کرنے کی گزارش کی۔
لوگوں نے دھرنا ختم کرنے سے انکار کر دیا۔
ذرائع کے مطابق اطلاع ملی ہے کہ پولس نے رات تقریباً تین بجے دھرنا کے مقام سے تقریباً 70 کو حراست میں لے لیا ہے۔
اے آئ آئ ایم سی کے قومی صرر مولانا توقیر رضا خاں کی قیادت میں ایف آر اسلامیہ انٹر کالج کے میدان میں شروع کیا گیا غیر معیادی دھرنا بغیر کسی خاص وجہ اور اطلاع کے تیسرے دن ختم کرنے کا اعلان کر دیا گیا۔
اس کے برعکس شہر کے نوجوانوں نے بغیر کسی قائد کے شہر کے مولانا آزاد انٹر کالج کے میدان میں دھرنا دے دیا۔
اس کی اطلاع پر ضلع انتظامیہ اور پولس کے اعلیٰ افسران موقع پر پہنچ گئے اور دھرنا ختم کرنے کی اپیل کی۔
تاہم مقامی افراد بڑی تعداد میں شہر کے مختلف علاقوں سے جمع ہجوم نے دھرنا ختم کرنے سے انکار کر دیا۔
پولس اور انتظامیہ نے ظاہرہ طور پر معمولی نرمی دکھاتے ہوئے دھرنا جاری رہنے دیا۔
ای ٹی وی بھارت کے نمائندے کے مطابق اِس معاملے میں پولس کے اعلیٰ افسران کچھ بھی کہنے سے انکار کر رہے ہیں۔
