میرٹھ:میرٹھ میں انصار فاؤنڈیشن کے زیر اہتمام دسویں اور بارہویں جماعت میں 70 فی صد سے زیادہ نمبرات حاصل کرنے والے طلباء و طالبات کی حوصلہ افزائی کرکے اعزاز سے نوازا گیا۔ میرٹھ میں انصار فاؤنڈیشن قریب آٹھ برسوں سے تعلیم اور صحت کے علاوہ مختلف فلاحی کاموں کے لئے اپنی خدمات انجام دے رہا ہے۔ سماج کے غریب اور پسماندہ علاقوں میں رہنے والے لوگوں کے لیے تنظیم کی جانب مسلسل کوشش جاری ہے۔ اسی کے تحت آج میرٹھ میں دسویں اور بارہویں جماعت میں 70 فی صد سے زیادہ نمبرات حاصل کرنے والے طلباء و طالبات کی حوصلہ افزائی کرکے ان کو اعزاز سے نوازا گیا۔
اس موقع اس سال حافظ قرآن طالب علموں کو بھی اعزاز سے نوازا گیا۔یہ اعزاز بغیر کسی تفریق کے سبھی مذاہب کے طلباء میں دیا گیا۔ اور حوصلہ افزائی کی گئی۔ اس موقع پر طلباء کے کریئر سے متعلق جانکاری بھی دی گئی۔ اپنے کرئیر کو لیکر سنجیدہ طلباء نے ماہرین سے سوالات بھی کیے کہ کس طرح وہ مقابلہ جاتی امتحان میں کامیابی حاصل کر سکتے ہیں۔
تقریب میں مولانا مشہود الرحمن جمالی نے طلباء کو دینی تعلیم کے ساتھ دنیاوی تعلیم میں بھی کامیابی حاصل کرنے کی ہدایت دی ہے۔ مزید کہا کہ موجودہ حالات کے پیش نظر عربی زبان کے ساتھ اردو اور انگریزی زبان پر بھی عبور حاصل کرنے کی سخت ضرورت ہے۔
