ریاست اترپردیش کے شہر بارہ بنکی میں ریاستی آمدنی مشن کی جانب سے دیہی علاقوں میں آندھراپردیش کی ٹیم کی جانب سے کرائی جانے والی ٹریننگ آج مکمل ہوگئی ہے۔
واضح رہے کہ اس ٹریننگ کے ذریعہ آندھراپردیش سے آئی ٹیم ضلع میں 18 ولیج آرگنائزیشن اور 12 کلسٹر لیول فیڈریشن تشکیل کرانے میں کامیاب رہی ہیں۔
خیال رہے کہ دیہی علاقوں میں سیلف ہیلپ گروپز کے ذریعہ خواتین کو با اختیار بنانے کے لیے ریاستی حکومت سے ایم او یو قائم کیا ہے، کیوں کہ آندھراپردیش میں سیلف ہیلپ گروپز کا ماڈل ایک مثال کے طور پر کام کررہا ہے۔
یاد رہے کہ اسی کے پیش نظر وہاں کی ٹرینڈ خواتین بارہ بنکی میں ٹریننگ دینے آئی تھیں، آندھرا کی ٹیم کے لیے یہاں کام کرنا آسان نہیں تھا، لیکن انہوں نے محنت اور سمجھداری سے دیہی علاقوں کی خواتین کو سیلف ہیلپ گروپز کی جانب متوجہ کیا۔
ٹریننگ کے علاوہ ان سیلف ہیلپ گروپز کی خواتین کو کامیابی اور غریبی ختم کرنے کے متعدد ہدایات دی ہیں، لیکن ان کا خاص فارمولہ یکجہتی ہے۔
انہوں خواتین سے درخواست کی ہے تمام لوگ متحد ہوکر غربت ختم کرنے پر غور کریں۔
آندھراپردیش کی اس ٹیم کے کام سے تمام لوگوں میں خوشی کی لہر دیکھی جاسکتی ہے۔
