علی گڑھ مسلم یونیورسٹی کے وائس چانسلر پروفیسر طارق منصور نے اے ایم یو کی قانون فیکلٹی کو ملنے والے قانون کی دنیا میں باوقار ایوارڈ ایس آئی ایل ایف ایم آئی ایل اے ٹی انسٹیٹیوشنل ایکسیلینس ایوارڈ کو قانون فیکلٹی کے ڈین پروفیسر ظہرودین اور شعبہ قانون کے سربراہ پروفیسر جاوید طالب کو سونپا۔
یہ ایوارڈ شعبہ قانون کو کیرل کے تروواننت پورم میں منعقدہ یوم قانون کے اساتذہ کی تقریب کے موقع پر شعبہ قانون کے بے مثل تدریسی خدمات اور جدید دور کی مشکلات میں طلبہ کو قانون کی تعلیم مہیا کرانے کے اطراف میں تفویض کیا گیا ہے۔
وائس چانسلر نے قانون فیکلٹی کو ملنے والے اس اعزاز پر تمام اساتذہ اور طلبہ وطالبات کو مبارکباد پیش کی۔
پروفیسر ظہیر الدین نے کہا کہ یہ ایوارڈ قانون فیکلٹی کے اساتذہ اور طلبہ کے سخت محنت کا نتیجہ ہے۔ پروفیسر جاوید طالب نے کہا کہ اس قسم کے اعزازات سے اساتذہ اور طلبہ کی حوصلہ افزائی ہوگی۔ اس موقع پر لاء سوسائٹی کے صدر مسٹر پیوش چاولا اور سیکریٹری فہم احمد خان بھی موجود تھے۔
