علیگڑھ مسلم یونیورسٹی (اے ایم یو) ٹیچرس ایسوسی ایشن (AMUTA) انتخابات 2018 کے بعد 31 اگست کی شب انتخابات کا شیڈول جاری کیا گیا تھا. اس کے مطابق 3 ستمبر کو ووٹنگ لسٹ جاری ہونی تھی۔15 ستمبر یعنی کل ووٹنگ ہونی تھی لیکن آج ہی یونیورسٹی کے رجسٹرار محمد عمران کی جانب سے جاری نوٹیفیکشن کے مطابق وائس چانسلر پروفیسر طارق منصور نے اپنی پاور (2) 19 کا استعمال کرتے ہوئے انتخابات کو ملتوی کرنے کا اعلان کیا۔اے ایم یو ٹیچرس ایسوسی (AMUTA) کے چار سابق سیکریٹریوں پر مبنی ایک کمیٹی بھی تشکیل دی ہے۔AMU Vice Chancellor Postpone Teachers Association Election
رجسٹرار محمد عمران کی جانب سے جاری نوٹفیکیشن کے مطابق، اراکین کی طرف سے وائس چانسلر کو موصول ہونے والی متعدد نمائندگیوں کے پیش نظر، وائس چانسلر نے اے ایم یو ایکٹ 1920 کے سیکشن 19 (2) کے تحت اپنے اختیار کا استعمال کرتے ہوئے اور اس حقیقت کو نوٹ کیا کہ ووٹر لسٹ شائع نہیں کی گئی ہے . ناگزیر حالات کی وجہ سے سالانہ جنرل باڈی میٹنگ کا کوئی نوٹس جاری نہیں کیا گیا ہے۔ اسی لئے چار سابق سیکرٹریز کی ایک کمیٹی تشکیل دی گئی ہے جو سابق سیکریٹری اور چیف الیکشن آفیسر سے تبادلہ خیال کرنے کے بعد تین روز کے اندر رپورٹ پیش کریں گے۔
۱. ڈاکٹر محمد شاہد، سابق سیکرٹری AMUTA.
۲۔ پروفیسر محمد عبدالسلام، سابق سیکرٹری، AMUTA
۳۔ پروفیسر محمد رضوان خان، سابق سیکریٹری، AMUTA.
4. پروفیسر آفتاب عالم، سابق سیکریٹری، AMUTA.
