علی گڑھ :ہر سال یونین پبلک سروس کمیشن (یو پی ایس سی) مشترکہ جیو سائنٹسٹ امتحان منعقد کرواتی ہے جس میں حصہ لینے کے لئے پوسٹ گریجویشن (جیولوجی) کی ڈگری لازمی ہوتی ہے۔ پریلم کے بعد مینز امتحان میں کامیابی حاصل کرنے کے بعد ہی انٹرویو ہوتا ہے. اس میں کامیابی حاصل کرنے کے لئے خاصی محنت کرنی پڑتی ہے، رات دن پڑھائی کرنی ہوتی ہے کیونکہ اس میں کامیابی حاصل کرنا اتنا آسان نہیں ہوتا. اسی لئے ہر سال خاصی تعداد طلباء کی اسی بھی ہوتی ہے جو انٹرویو میں کامیابی حاصل نہیں کرپاتے اور جو کامیابی حاصل کرلیتے ہیں۔ وہ طلباء جیولوجسٹ اور ہائیڈرو جیولوجسٹ کے عہدوں کے لئے منتخب کئے جاتے ہیں جسے اے ایم یو شعبہ جیولوجی کے آٹھ طلباء کو منتخب کیا گیا ہے۔
صدر شعبہ پروفیسر کنور فراہیم خان نے منتخب طلباء کو مبارکباد پیش کی اور خوشی کا اظہار کیا اور طلباء کی اس کامیابی کو شعبہ اور یونیورسٹی کی کامیابی بتاتے ہوئے کہا یہ ایک اہم امتحان ہوتا ہے جس میں کامیابی حاصل کرنے کے بعد طلباء کلاس ون آفیسر بنتا ہے جو باوقار پوزیشن ہوتی ہے۔ صدر شعبہ نے مزید کہا ایک ہی شعبہ سے آٹھ طلباء کا جیولوجسٹ اور ہائیڈرو جیولوجسٹ کے عہدوں کے لئے منتخب ہونا بڑی کامیابی ہے جس کے پیچھے طلباء کی محنت اور اساتذہ کے تعاون کا نتیجہ ہے۔ اس طرح کی کامیابی سے شعبہ اور یونیورسٹی کی رینک میں اضافہ ہوتا ہے۔ اسی لئے شعبہ سمیت یونیورسٹی میں خوشی کا ماحول ہے۔
یونین پبلک سروس کمیشن (یو پی ایس سی) کے ذریعہ منعقدہ مشترکہ جیو سائنٹسٹ امتحان-2022 میں جیولوجسٹ اور ہائیڈرو جیولوجسٹ کے عہدوں کے لئے منتخب ہونے والے طلباء نے بھی خوشی کا اظہار کیا۔ طلباء کا کہنا ہے روزانہ آٹھ سے دس گھنٹے کی محنت کا نتیجہ ہے، ہماری اس کامیابی سے شعبہ کے اساتذہ اور ہمارے والدین بھی خوش ہیں۔
یہ بھی پڑھیں:Prof Jamshed Siddiqui IT Cell علی گڑھ میں غریب مسلم لڑکیوں کو خود کفیل بنانے کی پہل
جیولوجیکل سروے آف انڈیا میں کام کرنے کے لیے جیولوجسٹ کے طور پر جن طلباء کو منتخب کیا گیا وہ محمد تنویر احمد (آل انڈیا رینک 10)، الماس آفرین (آل انڈیا رینک 24)، محمد ساجد (آل انڈیا رینک 41)، محمد عاطف رضا (آل انڈیا رینک 48)، غلام آصف (آل انڈیا رینک 51)، اور ابوذر کمال (آل انڈیا رینک 76) ان کے علاوہ رامش مہدی (آل انڈیا رینک 5)، اور مسر الاسلام کو سینٹرل گراؤنڈ واٹر بورڈ میں ہائیڈرو جیولوجسٹ کے عہدے کے لیے منتخب کیا گیا ہے۔
