اے ایم یو میں 'شہریت ترمیمی بِل' کے خلاف شدید احتجاج

یونیورسٹی طلبہ کا کہنا ہے کہ اگر حکومت نے شہریت ترمیمی بل واپس نہیں لی تو اس کے خلاف ایک ہمہ گیر احتجاجی مہم چھیڑی جائے گی۔

بھارتی ریاست اترپردیش کے ضلع علی گڑھ میں واقع معروف علی گڑھ مسلم یونیورسٹی (اے ایم یو) کے طلبہ نے کل رات شہریت ترمیمی بل کے خلاف احتجاجی مظاہرہ کیا اور آج یعنی 11 دسمبر کو بھوک ہڑتال کرنے کا فیصلہ کیا۔

طلباء رہنما عبیداللہ نے بتایا مظاہرہ کرنے کے بعد دیر رات طلبہ رہنماؤں کی ایک کمیٹی بنائی گئی جس میں یونیورسٹی کے 3 رہنما شامل تھے جنہوں نے 11 دسمبر کو بھوک ہڑتال کا فیصلہ لیا۔ بھوک ہڑتال میں پچیس ہزار طلبہ شرکت کریں گے۔ اس دوران یونیورسٹی کے تقریباً 20 ڈائننگ ہال بند رہے گے۔

یونیورسٹی طلبہ کا کہنا ہے کہ اگر حکومت نے شہریت ترمیمی بل واپس نہیں لی تو اس کے خلاف ایک ہمہ گیر احتجاجی مہم چھیڑی جائے گی۔

اے ایم یو طلبہ یونین کے سابق صدر سلمان امتیاز نے شہریت ترمیمی بل کو مسلمانوں کے خلاف بتایا اور اس کو 'ہٹلر بل' بتاتے ہوئے اِسے ہندوستانی تہذیب کے خلاف قرار دیا۔