ریاست اترپردیش کے شہر علی گڑھ میں واقع معروف علی گڑھ مسلم یونیورسٹی (اے ایم یو) نے مختلف کورسز کے آخری برس و سمسٹر کے ریگولر اور سابق طلبہ و طالبات کو دوبارہ سے چھوٹے ہوئے امتحانات میں شامل ہونے کا موقع فراہم کیا گیا۔
مختلف کورسوں کے آخری سال و سمسٹر کے ریگولر اور سابق طلبہ و طالبات جو جفت سمسٹر 2019/20 کے امتحانات نہ دے سکے تھے، انہیں چھوٹے ہوئے امتحانات دینے کا موقع فراہم کیا گیا ہے۔
اے ایم یو کنٹرولر امتحانات مسٹر مجیب اللہ زبیری نے بتایا کہ چھوٹے ہوئے امتحانات کے لیے درخواست فارم کو یونیورسٹی کی ویب سائٹ www.amucontrollerexams.com سے ڈاؤن لوڈ کیا جاسکتا ہے۔
انہوں نے مزید کہا کہ درخواست فارم کی پی ڈی ایف کاپی کو ای میل آئی ڈی examsection@gmail.com پر 22 ستمبر کو شام پانچ بجے تک بھیجنا لازمی ہے۔
انوں نے کہا کہ تاخیر سے موصول ہونے والی درخواستوں پر غور نہیں کیا جائے گا، تاہم امتحان کی تاریخ کا اعلان ویب سائٹ پر بعد میں کیا جائے گا۔
مسٹر زبیری نے کہا کہ یونیورسٹی نے عالمی وبا کووڈ-19 کے پیش نظر یہ سہولت دی ہے، اور جو طلبہ امتحان میں پہلے شامل ہوچکے ہیں وہ درخواست دینے کے اہل نہیں ہیں۔
