ریاست اتر پردیش میں واقع معروف علی گڑھ مسلم یونیورسٹی کے تاریخی اسٹریچی ہال پر آج 71 ویں یوم جمہوریہ کے موقع پر یونیورسٹی کے وائس چانسلر پروفیسر طارق منصور نے صبح ساڑھے نو بجے پرچم کشائی کی اور مارچ پاسٹ کی سلامی لینے کے بعد جلسہ سے خطاب کرتے وقت یونیورسٹی کے تقریباً 20 سے 30 طلبا نے وائس چانسلر گوبیک گوبیک کے نعرے لگائےاور کالے جھنڈے بھی دکھائے موقع پر موجود پراکٹوریل ٹیم نے طلبا کو حراست میں لیا ۔
نعرہ کے بعد افراتفری کا ماحول پیدا ہوگیا، لیکن وائس چانسلر اپنی تقریر مستقل کرتے رہے۔
یہ یونیورسٹی کی تاریخ میں پہلی بار ہے جب اس طریقے سے تاریخی عمارت اسٹریچی ہال پر یوم جمہوریہ کے موقع پر وائس چانسلر کے خلاف گو بیک کے نعرے لگائے اور کالے جھنڈے دکھائے گئے۔
یونیورسٹی کے طلبا وطالبات نے کل ہی یہ اعلان کر دیا تھا کہ ہم وائس چانسلر کی موجودگی کی وجہ سے اسٹریچی ہال نہیں جائیں گے اور یوم جمہوریہ باب سید پر منائیں گے، جس کی وجہ سے یونیورسٹی کا طلبا و طالبات اسٹریچی ہال یوم جمہوریہ کے موقع پر نہیں دیکھے۔
یونیورسٹی کی ترانہ ٹیم نے بھی وائس چانسلر کا بائیکاٹ کیا وہ بھی آج یوم جمہوریہ کے موقع پر اسٹریچی ہال نیورسٹی ترانہ اور قومی ترانہ کے لیے نہیں پہنچے۔
واضح رہے کہ پچھلے چالیس دنوں سے مستقل علی گڑھ مسلم یونیورسٹی کے طلبا وطالبات باب سید پر دھرنا لگا کر وائس چانسلر اور رجسٹرار کے استعفیٰ کا مطالبہ کر رہے ہیں۔
طلبہ و طالبات کا کہنا ہے 15 دسمبر کے تشدد کے ذمہ دار وائس چانسلر اور رجسٹرار ہیں، جس کے لیے ہم ان سے استعفیٰ کا مطالبہ کر رہے ہیں۔
وائس چانسلر نے کسی بھی طرح کی بیان بازی کرنے سے منع کرتے ہوئے صرف یوم جمہوریہ کی مبارکباد دی۔
