علی گڑھ مسلم یونیورسٹی سے ایم اے (ہیومن رائٹس) کے طالب علم اور طلبہ رہنما محمد عارف خان کو علی گڑھ انتظامیہ نے ضلع بدر کر دیا ہے۔
علی گڑھ تھانہ سول لائن میں عارف کے خلاف تقریباً سات مقدمے درج ہیں۔
واضح رہے علی گڑھ مسلم یونیورسٹی میں گزشتہ برس شہریت ترمیمی قانون کے خلاف چل رہے احتجاجی مظاہروں میں طلبہ رہنما محمد عارف نے بڑھ چڑھ کر طلبہ کی قیادت کی تھی۔
اس سے قبل بھی علیگڑھ انتظامیہ اے ایم یو کے کئی طلبہ اور طلبہ رہنماؤں کو ضلع بدر کر چکی ہے۔
علیگڑھ تھانہ سول لائن کے علاقے جمال پور کے رہائشی، اے ایم یو طلبہ رہنما محمد عارف خان کے خلاف دفعہ 147 ،146 ،342 ،360 ،504، 153 اے ،153 بی ،323، 363، 332 ،188 ،341 کے تحت مقدمات درج ہیں۔
مزید پڑھیں:
ایک برس بعد سی اے اے مظاہرے میں جیل گئے افراد کی اب کیا حالت ہے؟
دونوں فریق کو سننے کے بعد اے ڈی ایم سٹی راکیش کمار مال پانی نے اے ایم یو کے طلبہ رہنما کو آئندہ چھ ماہ کے لیے ضلع بدر کرنے کا حکم جاری کیا ہے۔
