تفصیلات کے مطابق پانچ دن قبل بی اسی سی کے طالب علم سہیل اختر یونیورسٹی کے سوئمنگ پول میں گرنے سے شدید زخمی ہو گئے تھے۔
زخمی ہونے کے فوراً بعد انہیں جواہر لعل نہرو میڈیکل کالج اسپتال میں داخل کرایا گیا تھا جہاں حالت نازک ہونے پر اسے دہلی کے گنگارام اسپتال کے لیے ریفر کیا گیا تھا۔علاج کے دوران ان کی موت واقع ہوگئی۔
حادثے کے بعد سوئمنگ پول بند ہے اس کے علاوہ یونیورسٹی کیمس کمیٹی کے مختلف کلبوں میں بھی خاموشی ہے۔ سہیل اختر کی موت کے بعد یونیورسٹی گیمز کمیٹی کے سیکرٹری پروفیسر امجد رضوی کے ساتھ گیمز کمیٹی کے مختلف کلب کے کوچز نے گیمز کمیٹی میں دو منٹ کی خاموشی اختیار کر کے موت پر گہرے رنج و غم کا اظہار کرتے ہوئے کہا کہ پوری یونیورسٹی برادری اہل خانہ کے غم میں شریک ہے۔
سہیل اختر مغربی بنگال کا رہنے والے تھے۔ سہیل اختر حسب معمول سوئمنگ پول میں آیا اور تین فٹ والے پول میں گر گیا جس سے وہ شدید طور پر زخمی ہوگیا علیگڑھ میں وہ ایک دن آئی سی یو وینٹیلیٹر پر رہا حالت نازک ہونے پر دہلی ریفر کیا گیا۔
یونیورسٹی انتظامیہ نے سوئمنگ پول پر تعینات عملہ کی لاپرواہی پر گذشتہ روز دو افراد کو معطل کردیا تھا۔ یونیورسٹی کے ترجمان عمر پیرزادہ نے کہا کہ یہ ایک حادثہ ہے اور اس سلسلے میں مزید تحقیقات کی جارہی ہے اور ایک کمیٹی بھی تشکیل دی گئی ہے۔
انہوں نے بتایا کہ ہم نے فوری کارروائی کرتے ہوئے دو لوگوں کو معطل کیا ہے انہوں نے طالب علم کی موت پر گہرے رنج و غم کا اظہار کرتے ہوئے کہا کہ پوری یونیورسٹی برادری ان کے اہل خانہ کے غم میں شریک ہے۔
