جشن یوم آزادی کے موقع پر علی گڑھ مسلم یونیورسٹی اور یونیورسٹی کے تمام اسکولوں میں مختلف پروگراموں کا اہتمام کیا جاتا تھا لیکن کورونا وبا کے سبب یونیورسٹی اور اسکول بند ہونے کی وجہ سے زیادہ تر کام آن لائن ہی ہو رہے ہیں۔ جس میں یونیورسٹی اور اسکول کی پڑھائی کے ساتھ امتحانات بھی شامل ہیں۔
اے ایم یو: آن لائن ڈبیٹ اور مضمون نویسی مقابلہ کا اعلان کورونا وبا کے سبب ہی اے ایم یو کے 'ایڈوانسڈ سنٹر فار ویمنس اسٹڈیز' کی جانب سے ایک آن لائن ڈبیٹ اور مضمون نویسی مقابلہ کا انعقاد کیا جارہا ہے۔ایڈوانسڈ سنٹر فار ویمنس اسٹڈیز کی ڈائریکٹر پروفیسر عزرا موسی نے بتایا کہ آن لائن ڈبیٹ مقابلہ بعنوان "آزادی کے 75 برس بعد بھی صنفی عدم مساوات کے لیے سرپرستی ذمہ دار ہے" (Patriarchy is responsible for lingering gender Inequality even after 75 years of Independence) مذکورہ پروگرام 13 اگست کو شام 4 بجے کوگل میٹ پر منعقد ہوگا، جبکہ مضمون نویسی مقابلہ کا موضوع ہے "بھارت کی تحریک آزادی میں خواتین کا کردار پر منعقد ہوگا"۔
اے ایم یو: آن لائن ڈبیٹ اور مضمون نویسی مقابلہ کا اعلان
آن لائن ڈبیٹ مقابلہ میں شرکت کے خواہشمند طلبہ ای میل آئی ڈی acwsprogram@gmail.com کے ذریعے اپنا رجسٹریشن کرا سکتے ہیں، جبکہ مضمون نویسی کے مقابلے میں شرکت کے خواہشمند طلبہ 18 اگست 2021 تک اپنے مضامین اردو، انگریزی یا ہندی میں مذکورہ ای میل آئی ڈی پر ارسال کر سکتے ہیں۔
