اے ایم یو شعبہ قانون کے صدر پروفیسر ظہیر الدین نے بتایا بی اے ایل ایل بی (آنرز) کے بقیہ 30 فیصد نمبرات کے لئے آن لائن ویڈیو کانفرنسنگ کے توسط سے امتحانات ہوئے جس میں طلباء وطالبات کو چار گروپوں میں تقسیم کیا گیا ہے اور ہر گروپ کے لئے دو اساتذہ مختص کئے گئے تھے۔
ریاست اترپردیش کے ضلع علی گڑھ میں واقع علی گڑھ مسلم یونیورسٹی (اے ایم یو) کے شعبہ قانون اور اے ایم یو کے ملاپورم(کیرالہ) اور مرشد آباد (مغربی بنگال) کے مرکز پر بھی بی اے ایل ایل بی (آنرز) کے بقیہ 30 فیصد نمبرات کے لئے آن لائن وائیوا کے ذریعے فائنل امتحانات کامیابی کے ساتھ منعقد کیے گئے۔
اے ایم یو میں انڈر گریجویٹ اور پوسٹ گریجویٹ کورسوں کے سال آخر کے امتحانات 70 فیصد نمبرات کے لیے پہلے ہی ہو چکے ہیں جبکہ بقیہ 30 فیصد نمبرات کے لیے امتحانات سماجی دوری کے سلسلے میں حکومت ہند کے رہنما ہدایات کے مطابق آن لائن وائیوا کے ذریعے کرائے جا رہے ہیں۔
واضح رہے یونیورسٹی کے صابق طلبہ اور طلبہ یونین کے لیڈران نے وائس چانسلر پروفیسر طارق منصور کو خصوصی خط لکھ کر آن لائن امتحانات کی مخالفت بھی کی تھی، ان کا کہنا ہے اے ایم یو کے طلبہ و طالبات ملک کے ایسی جگہوں میں بھی رہتے ہیں جہاں ان کے پاس ملٹی میڈیا موبائل اور انٹرنیٹ کی رفتار کی سہولت ضرورت کے مطابق دستیاب نہیں ہے۔ جس کی وجہ سے آن لائن امتحانات کرانا مناسب نہیں ہے۔
