گزشتہ برس 22 دسمبر کے روز ملک کے وزیراعظم نریندر مودی نے علی گڑھ مسلم یونیورسٹی کی صد سالہ تقریب میں مہمان خصوصی کی حیثیت سے شرکت کی تھی اور اس موقع پر انہوں نے ایک خصوصی ڈاک ٹکت بھی جاری کیا تھا، جو اب اے ایم یو کے پبلیکیشن ڈویژن میں خرید کے لیے دستیاب ہے۔
پانچ روپیہ کا ڈاک ٹکٹ کی قیمت 20 روپے ہے۔ جس پر صد سالہ تقریبات کے موقع پر اے ایم یو کے پرانی چونگی گیٹ پر بنائے گئے سینٹینری گیٹ کی تصویر لگی ہوئی ہے۔
اس موقع پر سر سید اکیڈمی کے ڈپٹی ڈائریکٹر ڈاکٹر محمد شاہد نے خصوصی گفتگو میں خوشی کا اظہار کرتے ہوئے کہا کہ جو علی گڑھ مسلم یونیورسٹی کی صد سالہ تقریب کے موقع پر وزیر اعظم نے خصوصی ڈاک ٹکٹ جاری کیا تھا وہ اب اے ایم یو کے دونوں پبلیکیشن ڈویژن (شمشاد مارکیٹ اور باب سید) کے قریب پر خرید کے لیے دستیاب ہے۔
یہ بھی پڑھیں: کسان تحریک کے سو دن مکمل ہونے پر پورے ملک میں احتجاجی مظاہرے
ڈاکٹر محمد شاہد نے مزید بتایا کہ ڈاک ٹکٹ پانچ روپے کا ہے، جس کی قیمت 20 روپے رکھی گئی ہے۔ خواہش مند حضرات پبلیکیشن ڈیویژن سے ڈاک ٹکٹ خرید سکتے ہیں۔
