علی گڑھ: سیدہ لائبہ علی نے رورل اسکیٹنگ میں گولڈ میڈل حاصل کیا

نوئیڈا میں اترپردیش رولر اسکیٹنگ ایسوسی ایشن کی جانب سے منعقدہ ریاستی سطح کی رورل ڈربی اسکیٹنگ چمپیئن شپ میں اے ایم یو گرلز ہائی اسکول کی طالبہ سیدہ لائبہ علی نے گولڈ میڈل حاصل کیا۔ لائبہ نے اپنی اس کامیابی پر خوشی کا اظہار کرتے ہوئے کہا ہے کہ میں مستقبل میں بین الاقوامی سطح پر اپنے ملک کا نام روشن کرنا چاہتی ہوں۔

علی گڑھ مسلم یونیورسٹی (اے ایم یو) کے گرلز ہائی اسکول کی ساتویں جماعت کی طالبہ سیدہ لائبہ علی نے نوئیڈا میں اتر پردیش رورل اسکیٹنگ ایسوسی ایشن کی جانب سے منعقدہ ریاستی سطح کی 'رورل ڈربی اسکیٹنگ چمپیئن شپ' میں گولڈ میڈل حاصل کیا ہے۔

اکثر سننے میں آتا ہے کہ مسلم گھرانے کی خواتین کو زبردستی چار دیواری کے اندر پردے میں رکھا جاتا ہے، ان کو تعلیم حاصل کرنے کی اور اپنی مرضی سے زندگی جینے کی اجازت نہیں ہوتی۔ جب کہ حقیقت یہ ہے کہ مسلم خواتین اعلیٰ تعلیم بھی حاصل کررہی ہیں، سول سروسز میں بھی کامیابی حاصل کررہی ہیں اور کھیل کی دنیا میں بھی اپنے والدین کے ساتھ ساتھ ملک کا نام روشن کررہی ہیں اور یہ سب کرنے کے لئے ان کے والدین ہی ان کو اجازت دیتے ہیں۔

سیدہ لائبہ علی نے رورل اسکیٹنگ میں گولڈ میڈل حاصل کیا

علی گڑھ مسلم یونیورسٹی میں بھی خاصی تعداد میں طالبات تعلیم حاصل کرتی ہیں۔ یہاں کے ویمنس کالج اور گرلز ہائی اسکول میں ملک کے مختلف مقامات سے آئی طالبات تعلیم حاصل کرتی ہیں۔

سیدہ لائبہ علی نے رورل اسکیٹنگ میں گولڈ میڈل حاصل کیا

اے ایم یو گرلز اسکول کی ساتویں جماعت کی طالبہ سیدہ لائبہ علی نے حال ہی میں اترپردیش رولر اسکیٹنگ ایسوسی ایشن کی جانب سے منعقدہ ریاستی سطح کی رورل ڈربی اسکیٹنگ چمپیئن شپ میں گولڈ میڈل حاصل کیا۔

ریاستی سطح کی رولر اسکیٹنگ چمپیئن شپ میں کامیابی حاصل کرنے کے بعد سیدہ لائبہ علی نے خوشی کا اظہار کرتے ہوئے کہا کہ مجھے اسکیٹنگ کا بچپن سے ہی شوق ہے، اس سے قبل بھی میں نے ضلع سطح پر گولڈ میڈل حاصل کئے ہیں اور قومی سطح پر بھی حصہ لے چکی ہوں۔ حال ہی میں نوئیڈا میں منعقدہ ریاستی سطح کی چمپیئن شپ میں گولڈ میڈل حاصل کیا ہے جس کے لیے میں اپنے کوچ اکبر سر کے ساتھ والدین اور اللہ کا شکر ادا کرنا چاہتی ہوں۔

سیدہ لائبہ علی نے مزید کہا میں مستقبل میں قومی اور بین الاقوامی سطح پر اپنے ملک کا نام روشن کرنا چاہتی ہوں۔

سیدہ لائبہ علی کی اس کامیابی پر والدین نے بھی خوشی کا اظہار کیا۔ اسکول پرنسپل، وائس پرنسپل اور اسپورٹس ٹیچر محمد وسیم نے بھی خوشی کا اظہار کرتے ہوئے لائبہ کو مبارکباد پیش کی۔