امروہہ: تین شاطر بدمعاش گرفتار

ضلع امروہہ کی حسن پور کوتوالی پولیس نے تصادم کے بعد تین شاطر ملزموں کو گرفتار کیا ہے، جن سے غیر قانونی اسلحہ بھی برآمد ہوا ہے۔ پولیس کے مطابق یہ بدمعاش کسی واردات کو انجام دینے کی فراق میں تھے۔

ریاست اترپردیش کے ضلع امروہہ کی حسن پور کوتوالی پولیس نے تین شاطر مجرموں کو گرفتار کیا ہے، جو علاقے میں چوری کی وارداتیں انجام دیتے تھے۔

حسن پور سرکل افسر ستیش چندر پانڈے نے پریس کانفرنس میں بتایا کہ حسن پور کوتوالی پولیس کو اطلاع ملی تھی کہ گاؤں گنگا چولی کے قریب مشتبہ لوگ نمودار ہوئے ہیں۔

اطلاع ملنے پر حسن پور کوتوالی پولیس موقع پر پہنچ گئی اور ان شرپسندوں کا محاصرہ کرلیا، تب شرپسندوں نے پولیس ٹیم پر فائرنگ کردی جس کے بعد پولیس نے ان تینوں ملزموں کو مقابلے کے دوران گرفتار کرلیا۔

امروہہ: تین شاطر بدمعاش گرفتار

پکڑے گئے ملزموں سے 3 غیر قانونی اسلحہ اور زندہ کارتوس برآمد ہوئے ہیں۔ پولیس کے مطابق ان کا نام رشی پال، پریمپال اور راج کمار ہے۔ یہ تینوں شاطر بدمعاش کسی واردات کو انجام دینے جا رہے تھے۔