امروہہ: غیر قانونی اسلحہ کے ساتھ تین مجرم گرفتار

امروہہ پولیس نے غیر قانونی اسلحہ کے ساتھ تین مجرموں کو گرفتار کیا ہے۔ ان تینوں کے پاس سے جو غیر قانونی اسلحہ برآمد ہوا ہے وہ غیر ضلع سے لیا جاتا تھا اور امروہہ میں فروخت کیا جاتا تھا۔

ریاست اترپردیش کے امروہہ ضلع کی صدر کوتوالی پولیس نے بڑی کامیابی حاصل کرتے ہوئے تین شاطر مجرموں کو گرفتار کیا ہے۔

پولیس نے پکڑے گئے ملزمان سے 2 غیر قانونی پستول ، چار میگزین ، 5 غیرقانونی طمانچہ اور 153 کارتوس برآمد کیے ہیں۔

اس معاملے کا انکشاف کرتے ہوئے امروہہ کے سرکل افسر وجئے کمار نے بتایا کہ تینوں ملزم آدرش کمار ، شیوم شرما اور دیپک شرما کی مجرمانہ تاریخ ہے اور وہ غیر اضلاع سے اسلحہ لاتے تھے اور امروہہ میں اونچی قیمتوں پر فروخت کرتے تھے۔

اس بار پولیس نے غیرقانونی ہتھیاروں کے ساتھ انہیں گرفتار کرکے بڑی کامیابی حاصل کی ہے۔ پولیس اب ان لوگوں پر مقدمہ درج کرکے جیل بھیجنے کی تیاری کر رہی ہے۔