اس سلسلہ میں پوسٹ مارٹم رپورٹ کا انتظار ہے ۔
بریلی میں واقع انڈین وٹرنری ریسرچ انسٹی ٹیوٹ کے ڈاکٹرس نے پونسا گاؤں میں نمونیا کی وجہ سے بندروں کی ہلاکت کا اندیشہ ظاہر کیا ہے۔
ابتدائی رپورٹ سے پتہ چلا ہے کہ مردہ بندر جگر اور گردے کے انفیکشن میں مبتلا تھے۔ طبی ماہرین کے مطابق کیڑے مار دوا کی آمیزش والا پانی پینے کی وجہ سے ایسا ہوسکتا ہے، ایسا پانی کسان کاشتکاری کےلیے استعمال کرتے ہیں۔
ایک وٹرنری ڈاکٹر پرکاش نیر نے بتایا کہ ’زہر ملاہوا کھانا کھانے کی وجہ سے بھی بندروں کی موت ہوسکتی ہے‘، انہوں مزید کہا کہ بندروں کے پھیپھڑوں میں بھی سوجن تھی۔
تاہم مقامی لوگوں میں بندروں کی اموات پر تشویش ظاہر کی جارہی ہے اور ’اندیشہ ظاہر کیا جارہا ہے کہ کہیں ان اموات کا تعلق کوروناوائرس سےتو نہیں ہے؟‘۔
