ریاست اترپردیش کے ضلع مظفر نگر میں آل انڈیا مجلس اتحاد المسلمین نے انتظامیہ سے مساجد اور عید گاہ میں سوشل ڈسٹنسنگ کے ساتھ نماز پڑھنے کا مطالبہ کیا۔
آل انڈیا مجلس اتحاد المسلمین کے ضلعی صدر محمد عمران ضلعی مجسٹریٹ کے دفتر پہنچے اور ایڈیشنل ڈسٹرکٹ مجسٹریٹ کو مختلف مطالبات کے ساتھ ایک میمورینڈم دیا۔
عیدالضحی کی نماز مساجد اور عید گاہ میں پڑھنے کا مطالبہ
اُنہوں نے کہا کہ عید الاضحی کے تہوار پر مظفر نگر کی مساجد اور عیدگاہ میں عید کی نماز پڑھنے کی اجازت دی جائے، یکم اگست سے 2 اگست تک ہفتہ وار لاک ڈاؤن پر اس تہوار کے پیش نظر چھوٹ دی جائے، تاکہ قربانی کے لیے جانوروں کی خریدو فروخت آسانی کے ساتھ ہو سکے۔ اور کہا کہ اس مقدس تہوار کے موقع پر شہر کی سڑکوں پر صاف صفائی کرائی جائے۔
