الہٰ آباد: پریاگ راج (الہ آباد) الہ آباد ہائی کورٹ نے ہفتہ کو بی ایس پی کے سابق رکن پارلیمان افضال انصاری کی بیوی فرحت انصاری کے ضبط شدہ پٹرول پمپ کو کھولنے کا حکم دیا۔ یہ حکم جسٹس اشونی کمار مشرا اور جسٹس ایس ایچ اے رضوی کی ڈویژن بنچ نے فرحت انصاری کی درخواست پر ان کے وکیل اوپیندر اپادھیائے اور سرکاری وکیل کی سماعت کے بعد دیا ہے۔
درخواست کے مطابق غازی پور کے محمد آباد قصبے میں فرحت انصاری کا کسان پٹرول پمپ ہے، ضلع کمشنر غازی پور کے حکم پر گینگسٹر ایکٹ کے تحت پٹرول پمپ کو منسلک کرنے کی کارروائی کی گئی تھی۔ پراپرٹی کو منسلک کرنے کی یہ کارروائی افضل انصاری کی جیل سے رہائی کے دو دن بعد کی گئی۔ پٹیشن میں گینگسٹر ایکٹ کے تحت پٹرول پمپ کی اٹیچمنٹ کو چیلنج کیا گیا تھا۔
سماعت کے دوران ہائی کورٹ نے قرق کئے گئے پیٹرول پمپ کھولنے کی ہدایت کرتے ہوئے کہا کہ یہ گینگسٹر کورٹ فیصلہ کرے گی کہ پیٹرول پمپ نصب کرنے میں جرم سے حاصل کی گئی جائیداد استعمال ہوئی ہے یا نہیں۔ بہوجن سماج پارٹی کے سابق ایم پی افضال انصاری کو غازی پور کی ایم پی ایم ایل اے عدالت نے گینگسٹر کیس میں 4 سال قید کی سزا سنائی ہے۔ سزا کے اعلان کے بعد افضال انصاری کو پارلیمنٹ سے نااہل قرار دے دیا گیا۔
مزید پڑھیں: Afzal Ansari Disqualified as LS Member افضال انصاری کی پارلیمنٹ رکنیت منسوخ، چار سال قید کی سزا
Afzal Ansari in Gangster Act Case سابق ایم پی افضال انصاری کو الہ آباد ہائی کورٹ سے ضمانت
یوگی حکومت مختار انصاری کو مافیا ڈان قرار دے کر ان کے خاندان کی ہر سرگرمی پر نظر رکھے ہوئے ہے۔ ریونیو ڈپارٹمنٹ اور پولیس کی ایک ٹیم بی ایس پی کے سابق ایم پی افضال انصاری کی بیوی فرحت انصاری کے پٹرول پمپ کو منسلک کرنے کے لیے محمد آباد پہنچی تھی۔ ضلع انتظامیہ کی وجہ سے محمد آباد میں ہلچل مچ گئی۔ انصاری اور اسکے حمایتوں کا الزام ہے کہ یوگی حکومت محض مسلم اقلیت کے خلاف حکومت کی پالیسی کے تحت انہیں نشانہ بنارہی ہے۔ ان کے مطابق یوگی کے دور اقتدار میں بااثر مسلمان رہنماؤں کو منظر سے گائب کرنے، انہیں فرضی کیسوں میں پھنسانے اور انکے خلاف ای ڈی اور گینگستر ایکٹ کے تحت کارروائیوں میں اضافہ ہوا جبکہ کئی جگہوں پر مسلم لیڈروں کے ذاتی اثاثوں کو انہدامی کارروائی کا نشانہ بنایا گیا۔
