اترپردیش نوئیڈا اتھارٹی کی چیف ایگزیکٹیو آفیسر ریتو مہیشوری کے لیے الہ آباد ہائی کورٹ کے سامنے پیش نہ ہونا بہت بڑی مصیبت بن گئی ہے۔ ایک معاملے میں الہ آباد ہائی کورٹ نے ریتو مہیشوری کو پولیس تحویل میں لے کر عدالت میں پیش کرنے کا حکم دیا ہے۔ یہی نہیں، الہ آباد ہائی کورٹ کی بنچ نے اس حکم کی تعمیل کرانے کی ذمہ داری گوتم بدھ نگر کے چیف جوڈیشل مجسٹریٹ کو سونپی ہے۔ Allahabad High Court issues non-bailable warrant against NOIDA CEO Ritu Maheshwari
نوئیڈا ڈیولپمنٹ اتھارٹی نے تحویل اراضی معاملے میں سپریم کورٹ میں مقدمہ ہارنے کے باوجود عدالتی احکامات کی تعمیل نہیں کی، جس کے خلاف کسان کی جانب سے توہین عدالت کی درخواست دائر کی گئی تھی۔ اس پر پریاگ راج ہائی کورٹ نے ریتو مہیشوری کو خود عدالت میں حاضر ہونے کا حکم دیا تھا۔ آج جب اس معاملے کی سماعت ہوئی تو مہیشوری حاضر نہیں ہوئیں۔ اس پر سخت موقف اختیار کرتے ہوئے عدالت نے سی ای او کے خلاف ناقابل ضمانت وارنٹ جاری کیا۔
یہ بھی پڑھیں: Jaipur Double Murder Case: دو بھائیوں کے قتل معاملے میں پانچ ملزمین گرفتار
نوئیڈا کے سیکٹر-82 میں، اتھارٹی نے 30 نومبر 1989 اور 16 جون 1990 کو 'ارجینسی کلوز، کے تحت زمین حاصل کی تھی، جسے زمین کی مالک منورما کچھل نے چیلنج کیا تھا۔ الہ آباد ہائی کورٹ نے 19 دسمبر 2016 کو منورما کی سال 1990 میں دائر درخواستوں پر اپنا فیصلہ سنایا تھا۔ ہائی کورٹ نے 'ارجینسی کلاز' کے تحت کی گئی اراضی کے حصول کو منسوخ کر دیا تھا۔ منورما کچھل کو نئے اراضی حصول قانون کے تحت سرکل ریٹ سے دوگنا معاوضہ ادا کرنے کا حکم دیا گیا تھا۔ اس کے علاوہ ہر پٹیشن پر 5-5 لاکھ روپے لاگت کا تخمینہ لگاتے ہوئے اتھارٹی کو معاوضہ دینے کا حکم دیا گیا۔
