کانپور: ریاست اترپردیش کے کانپور میں کل ہند نعتیہ مشاعرہ 29 سال پہلے مرحوم آفاق حسین نے کرایا تھا، یہ مشاعرہ ہرسال چمن گنج اجمیری چوراہے پر بارہ ربیع الاول کے دوسرے دن رات میں ہوتا ہے، اس پروگرام میں ملک بھر سے شعرائے کرام شرکت کرتے ہیں ۔ گزشتہ دو سال سے کووڈ وباء کی وجہ سے کانپور میں کل ہند مشاعرے کا انعقاد نہیں ہو اتھا ، اس مرتبہ جب مشاعرہ کا انعقاد ہوا تو کثیر تعداد میں لوگوں نے اس میں شرکت کی۔ لیکن بارش کی وجہ سے مشاعرہ کو اجمیری چوراہے سے منتقل کرکے شفیہ آباد جامع مسجد میں کیا گیا، جہاں سامعین کا جوش اور اُن کی سماعتیں زبردست رہی ۔
کل ہند ویلفیئر سوسائٹی وہ تنظیم ہے جو سماجی خدمات کو انجام دیتی ہے، غرباء اور مساکین کی مدد کرتی ہے ، پسماندہ مسلمانوں میں تعلیم اور انہیں برسرروزگار بنانے کے لئے امداد کرتی ہے۔مسلمانوں کے تشخص کو برقرار رکھنے کے لئے کی سماجی و مذہبی پروگرام کے ساتھ ساتھ 12 ربیع الاول کو عید میلاد النبی کے موقع پر نعتیہ مشاعرہ کا انعقاد کرتی ہے ، اس تنظیم کی بنیاد مرحوم آفاق حسین نے 29 سال پہلے ڈالی تھی جسے آج ان کے چھوٹے بھائی اوصاف حسین برقرار رکھے ہوئے ہیں۔ All India Natiya Mushaira In Kanpur
یہ بھی پڑھیں : All India Mushaira in Kanpur: کانپور میں آل انڈیا مشاعرہ
