کورونا وبا کے خطرے کے پیش نظر احتیاط کے سبب اجتماعی تقریبات پر پابندی ہے اس وجہ سے عید الاضحیٰ کے موقع پر بھی عید کی نماز گھروں میں ہی ادا کرنے کی تاکید کی گئی ہے تاہم اس موقع پر جانوروں کی قربانی کے پیش نظر قربانی کے لیے بھی خاص احتیاط برتنے کی اپیل کی گئی ہے۔
عید الاضحیٰ کی سبھی تیاریاں مکمل: میرٹھ میونسپل کارپوریشن ریاست اتر پردیش کے ضلع میرٹھ میں میونسپل کارپوریشن نے لوگوں سے اپیل کی ہے کہ ان دو دنوں میں لاک ڈاؤن کی وجہ سے لوگوں کو باہر نکلنے کی اجازت نہیں ہوگی۔ ایسے میں جانوروں کی قربانی کے بعد باقیات کو سڑک پر نہ ڈالا جائے بلکہ نگر نگم (میونسپل کارپوریشن) کی جانب سے بھیجی جانے والی گاڑیوں میں ڈالا جائے۔ ہدایات پر عمل نہ کرنے والوں کے خلاف میونسپل کارپوریشن کی جانب سے کاروائی کی جائے گی۔قربانی کے جانوروں کی باقیات کو لیکر میونسپل کارپوریشن نے لوگوں سے اپیل کی ہے کہ وہ احتیاطی تدابیر پر عمل کریں تاکہ سب لوگ محفوظ ہو کر عید کی خوشیاں منائیں۔
