علی گڑھ: سنی و شیعہ علماء کرام کی جانب سے پریس کانفرنس کا انعقاد

ماہ محرم اور یوم عاشوراء سے متعلق علی گڑھ کے سنی شیعہ علماء کرام کی جانب سے علی گڑھ مسلم یونیورسٹی (اے ایم یو) کے اولڈ بوائز ہاسٹل میں ایک پریس کانفرنس کا انعقاد کیا گیا، جس میں کئی اہم امور پر تبادلہ خیالہ کیا گیا۔

محرم الحرام کا چاند نظر آتے ہی اسلامی کیلنڈر کا آغاز ہو جاتا ہے۔ محرم کی پہلی تاریخ سے ہی مجلس، ماتم اور عزاداری کا سلسلہ شروع ہو جاتا ہے۔ آپ حضور صلی اللہ علیہ وسلم کے نواسے اور حضرت فاطمہ کے صاحبزادے امام حسین نے اپنے 72 ساتھیوں کے ساتھ میدان کربلا میں اسلام اور انسانیت کی بقا کے لئے جام شہادت نوش کی تھی، اس کے پیش نظر محرم میں حضرت امام حسین کی شہادت کو یاد کرتے ہوئے پوری دنیا میں عزاداری کا اہتمام کیا جاتا ہے۔

اس سلسلے میں آج ماہ محرم اور یوم عاشوراء سے متعلق علی گڑھ مسلم یونیورسٹی کے اولڈ بوائز ہاسٹل میں سنی، شیعہ علماء کرام کی جانب سے ایک پریس کانفرنس کا انعقاد کیا گیا، جس میں کئی اہم امور تبادلہ خیال کیا گیا۔اس درمیان علی گڑھ میں کربلا کے متولی مختار زیدی نے کہا کہ 'کورونا وبا کے سبب رواں برس یعنی کل محرم کی دس تاریخ کو کوئی جلوس نہیں نکالا جائے گا۔ صرف کربلہ میں پانچ سے دس لوگوں کو زیارت کرنے کی اجازت دی جائے گی'۔

علی گڑھ: سنی، شیعہ علماء کرام کی جانب سے پریس کانفرنس کا انعقاد

مختار زیدی نے مزید کہا کہ 'ہمارے پاس اطلاع موصول ہورہی ہے کہ 'کل کوئی سیاسی جماعت، سماج دشمن عناصر کا استعمال کرتے ہوئے ماحول خراب کرنے کی کوشش کرسکتے ہیں۔ جس کا کسی بھی شیعہ اور انجمن سے تعلق نہیں ہے۔ اس لیے علی گڑھ انتظامیہ سے ہماری درخواست ہے کہ ایسے لوگوں کے ساتھ سختی سے پیش آئے۔

منعدہ پریس کانفرنس میں علی گڑھ شہر مفتی جناب خالد حمید صاحب، مختار زیدی (متولی کربلا) نادر نقوی، سید طیب رضا نقوی (صدر، شعبہ شیعہ دینیات اے ایم یو)، اور دیگر شیعہ سنی علماء کرام شامل تھے۔


کورونا وبا کے پیش نظر گزشتہ برس کی طرح رواں برس بھی محرم کی دس تاریخ یعنی یوم عاشورہ کے روز جلوس نہیں نکالا جائے گا، صرف کربلا میں پانچ سے دس لوگوں کو زیارت کرنے کی اجازت ہوگی۔