ملک کی آزادی سے پہلے علی گڑھ مسلم یونیورسٹی طلبہ یونین کے ذریعے دی گئی لائف ٹائم ممبرشپ کے بعد دیگر اہم شخصیات کے ساتھ تاریخی اے ایم یو طلبہ یونین ہال میں لگی محمد علی جناح کی تصویر کو ہٹانے کی بات ایک بار پھر علی گڑھ کے رکن پارلیمنٹ ستیش گوتم نے کی ہے۔
میری بھی ہمیشہ مانگ رہی ہے جناح کی تصویر کو ہٹانے کی، ابھی اے ایم یو کے جس ہال میں جناح کی تصویر لگی ہوئی ہے فی الحال اس کو بند کر دیا گیا ہے اس کے بعد بہت جلد ہی جناح کی تصویر کو ہٹانے کا کام کریں گے"۔
ستیش گوتم نے مزید کہا کہ یہ بات سچ ہے جس نے ملک کے ٹکڑے کیے وہ اس کو اس کی تصویر کو ملک میں لگانے کا کوئی مقصد نہیں ہے۔
اے ایم یو طلبہ رہنما محمد فرحان زبیری نے خصوصی گفتگو میں بتایا ہم تو کہہ رہے ہیں آپ رکن پارلیمنٹ ہیں، پارلیمنٹ میں جائے قانون بنوائیں اور جناح کی تصویر ہٹوا دیں۔
ہمیں کوئی شوق نہیں ہے کسی ایسی چیز کو بڑھاوا دینے کا جس سے جھگڑا ہو لیکن سوال یہ اٹھتا ہے کہ آخر جھگڑا ہے کیوں ؟ جناح کی تصویر آزادی سے پہلے لگی ہوئی ہے آزادی کے بعد نہیں لگائی گئی ہے جناح کی تصویر ایک تاریخ کا حصہ ہے کیا ہمیں اپنی تاریخ کو بھلا دینا چاہیے ؟
فرحان زبیری نے مزید کہا اصل میں 2022 میں انتخابات آ رہے ہیں، بی جے پی کے پاس کوئی مدعہ نہیں ہے وہ ہمیشہ کی طرح علی گڑھ مسلم یونیورسٹی کو نشانہ بنارہی ہے اور ہندو مسلم کروانا چاہتی ہے یہی وجہ ہے کہ علیگڑھ کے رکن پارلیمنٹ اس طرح کی ٹچچی حرکتیں کررہے ہیں۔
مزید پڑھیں: اے ایم یو طلبہ رہنما نے علیگڑھ رکن پارلیمنٹ اور حکومت سے مانگا جواب
اے ایم یو طلبہ رہنما محمد زید شیروانی نے کہا اصل میں 2022 کاانتخابات آرہے ہیں تو اس لیے جناح زندہ ہو رہا ہے۔
ہمارے علی گڑھ کے رکن پارلیمنٹ ملک کے واحد ایسے رکن پارلیمنٹ ہیں جو لوگوں کو زندہ کرنے اور مارنے میں ماہر ہے۔
زید شیروانی نے مزید کہا رکن پارلیمنٹ صاحب آپ کے ہاتھ میں کچھ نہیں ہے، صدر جمہوریہ کے قلم سے ہوگا اگر وہ آرڈر پاس کر دیں تو ہم بھی تیار ہیں، ہم بھی ساتھ دیں گے، ممبئی سے بھی ہٹوائے اور جہاں جہاں بھی ملک سے جناح کی تصاویر ہٹنی ہے ہٹوائے۔
