ریاست اترپردیش کے ضلع علی گڑھ میں آج دوسرے دن پوری طرح سے لاک ڈاؤن کا اثر دیکھنے کو ملا، صرف ضرورت مند اور مریض ہی گھر سے باہر دکھائی دیے، جگہ جگہ پولیس بیرئیر لگاکر عوام کو روک کر گھر میں ہی رہنے کی ہدایت دیتی نظر آئیں۔
کورونا وائرس سے بچاؤ کے لیے علیگڑھ سمیت ریاست اترپردیش کے 15 اضلاع میں 25 مارچ تک لاک ڈاؤن کے پیش نظر علی گڑھ میں بھی پوری طریقے سے آج لاک ڈاؤن رہا۔
واضح رہے کہ کل ضلع مجسٹریٹ نے آرڈر جاری کیا اور پولیس کو ہدایات دیا کہ وہ سڑکوں پر بیریئر لگاکر عوام کو روکے اور ان کو گھر میں ہی رہنے کی ہدایت دیں۔
خیال رہے کہ گذشتہ روز علی گڑھ کے کچھ علاقوں اور بازاروں میں عوام کو خاصی تعداد میں دیکھا گیا اور کچھ دوکانیں بھی کھلی رہیں، جس کے بعد ڈی ایم نے آرڈر جاری کیا جس میں صبح سات بجے سے گیارہ بجے تک اور شام پانچ بجے سے سات بجے تک ضروری اشیاء کی دکانیں کھولنے کی ہدایت دی۔
وہی کچھ سماجی کارکن پولیس والوں کو مفت سینیٹائزر جیسی ضروری چیز مفت باٹتے نظر آئے۔
سماجی کارکن امت نے بتایا 'یہ سینیٹائزر ہم سبھی پولیس والوں کو بانٹ رہے ہیں، جو عوام کا تعاون کررہے ہیں۔ انہوں نے بتایا کہ رائٹ لائف سائنس، تالا نگری میں ہے جہاں پر اس کی بنانے کی کمپنی ہے، تاہم جی ایم پی سرٹیفائیڈ ہیں۔
سماجی کارکن امت نے مزید بتایا کہ تقریباً 400 سیشی باٹ دی سبھی تھانوں میں سبھی پولیس والوں کو اور جو لوگ عوام کی خدمت میں لگے ہوئے ہیں سب کو مفتدستیاب کررہے ہیں۔
