اترپردیش کے لکھیم پور میں پیش آئے کسان سانحہ کے خلاف ضلع علی گڑھ کلکٹریٹ کے قریب کانگریس پارٹی کے کارکنان نے احتجاج کیا جس میں لکھیم پور کھیری واقعہ کے تناظر میں وزیر مملکت اجے مشرا کا استعفیٰ کا مطالبہ کیا گیا۔ Demand for Resignation of Ajay Mishra
کانگریس کے اس احتجاج میں وزیراعظم نریندرمودی اور اتر پردیش کے وزیراعلی یوگی آدتیہ ناتھ کے خلاف نعرے بازی بھی کی گئی۔
کانگریس کارکنان کا کہنا تھا کہ لکھیم پور کھیری میں کسانوں کے خلاف سوچی سمجھی سازش کے تحت ان پر پر گاڑی چڑھائی گی اس میں ملوث وزیر مملکت کے بیٹے کے خلاف فوری کارروائی ہونی چاہیے۔
کانگریس پارٹی کے ہریانہ انچارج وویک بنسل نے کہا کہ 'لکھیم پور میں کسانوں کو کار سے روندا گیا جس کی جانچ بھی ہوئی، جانچ کے بعد ایس آئی ٹی ٹیم کا جو نتیجہ نکلا وہ یہ تھا کے ان لوگوں نے سازش کے تحت کسانوں کا قتل کیا ہے اور اس جرم میں وزیر مملکت اجے مشرا کے بیٹے کے ملوث ہونے کے ثبوت بھی ملے ہیں۔ اس لیے ان کے خلاف کارروائی ہونی چاہیے نیز مرکزی حکومت کو چاہیے کہ وہ وزیر مملکت برائے داخلہ اجے مشرا کو فوری طور پر برخاست کرے۔
کانگریس پارٹی کے ضلع صدر سنتوش کمار نے کہا کہ 'ہمارا مطالبہ ہے کہ مرکزی وزیر مملکت برائے داخلہ سے استعفیٰ لیا جائے اور لکھیم پور کھیری معاملے میں ملوث سبھی کو جیل میں ڈالا جائے۔
