ریاست اترپردیش کے ضلع علی گڑھ میں واقع علی گڑھ مسلم یونیورسٹی میں 71 ویں یوم جمہوریہ کی تقریب کا اہتمام کیا گیا۔
وہیں یونیورسٹی کے وائس چانسلر پروفیسر طارق منصور نے صبح ساڑھے نو بجے پرچم کشائی کی، مارچ پاسٹ کی سلامی لینے کے بعد جلسہ سے خطاب بھی کیا۔71ویں یوم جمہوریہ کے موقع پر وائس چانسلر پروفیسر تاریخ منصور کے ساتھ یونیورسٹی کے رجسٹرار عبدالحمید (آئی پی ایس) پرو وائس چانسلر پروفیسر اختر حسیب کے ساتھ یونیورسٹی کے دیگر عہدیداران اور اساتذہ موجود رہے۔
وہیں وائس چانسلر کی پرچم کشائی کے بعد رجسٹر عبدالحمید نے جلسہ سے خطاب کیا۔ اس کے علاوہ بی اے کی طالبہ زینب فاطمہ اور نوشاد احمد نے بھی جلسہ سے خطاب کیا۔
مزید پڑھیں: بہرائچ کے مختلف مدارس میں یوم جمہوریہ تقریب کا انعقاد
آخر میں وائس چانسلر طارق منصور نے سبھی کو یوم جمہوریہ کی مبارکباد پیش کی اور یونیورسٹی کی تاریخ پر روشنی ڈالتے ہوئے آج کے دور میں تعلیم کی اہمیت کے بارے میں بھی بتایا۔
