ضلع علی گڑھ میں کورونا وائرس کا قہر بڑھتا ہی جا رہا ہے اور متاثرین کی تعداد میں مسلسل اضافہ ہو رہا ہے۔
گزشتہ شب میں 11 افراد کی رپورٹ مثبت آئی جس میں 1 لڑکی، 2 خواتین بھی شامل ہیں۔ 11 میں سے 7 متاثرین علی گڑھ شہر کے گھولر روڈ رہائشی ہیں۔
اس سلسلے میں علی گڑھ ڈی ایم چندر بھوشن سنگھ نے ایک بار پھر عوام سے اپیل کی ہے کہ وہ اپنے اپنے گھروں میں ہی رہیں، بہت ضروری کام پر ہی گھروں سے نکلیں۔
اے ایم یو کے جواہر لال نہرو میڈیکل کالج میں گزشتہ شب تک تقریباً 14000 کورونا وائرس کے نمونوں کی جانچ ہو چکی ہے۔
ضلع علی گڑھ میں گزشتہ شب تک کورونا وائرس متاثرین کی تعداد 147 پہنچ گئی ہے۔ جس میں 63 افراد مکمل طور سے صحت یاب ہو کر گھر پہنچ چکے ہیں۔ جبکہ کورونا سے 15 اموات ہو چکی ہیں اور اس وقت کورونا کے 69 ایکٹیو متاثرین ہیں جو علی گڑھ کے ایل1 اور ایل 2 اسپتال میں داخل ہیں۔
