اکھلیش یادو نے نئے سال کی مبارک باد دیتے ہوئے کہا کہ آئندہ اسمبلی انتخابات Uttar Pradesh Assembly Polls 2022 کے بعد جب سماجوادی پارٹی اقتدار میں واپسی کرے گی تو 300 یونٹ گھریلو بجلی مفت ہوگی۔
انہوں نے کہا کہ اسی طرح کسانوں کو بھی سینچائی کے لیے پہلے کی طرح مفت بجلی فراہم کی جائے گی۔
اکھیلیش یادو نے مزید کہا کہ سال 2022 میں ہونے والی تبدیلی کا یہ پہلا عزم ہے۔ انہوں نے اشارہ دیا کہ مفت بجلی کی ہی طرح سماجوادی پارٹی ایک ایک کر کے اپنے انتخابی وعدے آنے والے دنوں میں اعلان کرے گی۔
اکھلیش نے کہا کہ ایس پی کے قول و فعل میں کوئی تفاوت نہیں ہے جو کہتی ہے وہ کرتی ہے اور یہ بات سبھی جانتے ہیں۔
انہوں نے کہا کہ ایس پی کے انتخابی منشور کا یہ پہلا انتخابی وعدہ ہے۔ آگے جیسے جیسے انتخابات کی طرف بڑھتے جائیں گے ویسے ویسے دیگر وعدوں کا بھی اعلان کیا جائے گا۔
