ریاست اُتر پردیش کے ضلع مظفر نگر میں واقع جھانسی کی رانی چوک پر اکھل بھارتیہ ہندو مہا سبھا نے سونیا گاندھی اور مہاراشٹر کے وزیر اعلی ادھو ٹھاکرے کے مجسمہ کو نذر آتش کیا۔
اکھل بھارتیہ ہندو مہاسبھا کے ریاستی صدر یوگیندر ورما نے کہا کہ شیوسینا ہندو مت کو بھول گئی ہے اور مسلم سیاست میں شامل ہوگئی ہے۔ مہاراشٹر میں ہوئے سادھوؤں کے قاتلوں کو اب تک نہیں پکڑا گیا ہے۔ اور اسکے بعد سشانت راجپوت کے قتل میں بھی مہاراشٹر سرکار نے کوئی کارگر قدم نہیں اٹھایا ہے۔ ہندو مہاسبھا اس کی مذمت کرتی ہے۔
انہوں نے بتایا کہ اسی سبب ہندو مہاسبھا نے سونیا گاندھی اور ادھو ٹھاکرے کے پتلے کو نذرِ آتش کیا ہے۔ مہاراشٹر میں ہندو سادھوؤں کا قتل کیا جارہا ہے لیکن حکومت ان قتل کو روکنے میں ناکام ہو رہی ہے۔ لہذا ہم اب شیو سینا کے غلط طریقوں سے سرکار چلائی جانے کے خلاف پوری ریاست میں ایک مہم چلائیں گے۔
