اترپردیش کے ضلع پریاگ راج میں اکھِل بھارتیہ اکھاڑہ پریشد کے صدر مہنت نریندر گری کی پیر کو مشتبہ حالات میں موت ہوگئی۔ ان کی لاش باگھمبری مٹھ آشرم سے برآمد ہوئی ہے۔ وہ 58 برس کے تھے۔
پولیس کے مطابق مہنت نریندر گری کی لاش کے نزدیک سے سوسائڈ نوٹ ملا ہے۔ ڈاگ اسکواڈ اور فورنسک ٹیمیں جانچ کررہی ہیں۔
پولیس افسران مٹھ سے متعلقہ افراد سے بھی پوچھ گچھ کر رہی ہیں اور معاملے کی چھان بین کررہی ہے۔ پولیس کا کہنا ہے کہ بغیر جانچ کیے کچھ بھی کہنا جلد بازی ہوگا۔'
اکھاڑہ پریشد کے جنرل سکریٹری مہنت سوامی ہری گری نے کہا کہ 'ابھی کچھ بتانے کا وقت نہیں ہے سبھی سادھو سنت سماج گہرے رنج و غم میں ہیں۔'
اس درمیان ریاست کے نائب وزیر اعلی کیشو پرساد موریہ نے مہنت گری کے انتقال پر گہرے رنج و غم کا اظہا کرتے ہوئے کہا کہ وہ اس حادثے کے سلسلے میں کچھ کہنے کو ان کے پاس لفظ نہیں ہیں۔'
یہ بھی پڑھیں: Mob Lynching: مغربی بنگال میں نوجوان کو پیٹ پیٹ کر ہلاک کردیا گیا
موریہ نے کل ہی پریاگ راج میں مہنت نریندر گری سے ملاقات کی تھی اور ا کے ساتھ پوجا ارچنا بھی کی تھی۔ سنت سماج نے ان کے انتقال پر گہرے رنج کا اظہار کیا ہے اور مشتبہ حالات میں ہوئی ان کی موت کے جانچ کا مطالبہ کیا ہے۔
وہیں وزیر اعظم نریندر مودی نے مہنت نریندر گری کی موت پر دکھ کا اظہار کیا ہے۔ انہوں نے کہا کہ 'نریندر گری نے سنت سماج کو جوڑنے میں اہم کردار ادا کیا۔'
