کانپور میں فضائیہ کے جوان نے خودکشی کی

اترپردیش کے کانپور میں، ایک فضائیہ کے جوان نے خودکشی کرلی۔ بتایا جارہا ہے کہ اپنی بیوی سے بات کرنے کے بعد جوان نے خود کو گولی ماردی۔ متوفی کیرالا کا رہائشی تھا۔

ریاست اترپردیش میں کانپور ضلع کے چکیری تھانہ علاقے میں ایئر فورس اسٹیشن پر تعینات فضائیہ کے ایک جوان نے خود کو گولی مار کر خودکشی کرلی۔

بتایا جارہا ہے کہ کیرالہ کا رہائشی جوان ونیل پی پاتھروب نے اپنی بیوی سے موبائل پر بات کرنے کے بعد خود کو گولی مار لی۔ جسسے اس کی موت واقع ہوگئی، پولیس نے پوسٹ مارٹم کے بعد جوان کی لعش کو ایئرفورس کے عہدیداروں کے حوالے کردیا۔ جہاں فوجی اعزاز کے بعد جوان کی لاش کو اس کے آبائی ضلع روانہ کردیا گیا۔

کیرل کا رہائشی 29 سالہ ونیل پی پاتھروب کی پوسٹنگ دو ماہ قبل ہی چکیری ایئر فورس اسٹیشن پر ہوئی تھی، جوان کی کانپور میں پوسٹنگ سے پہلے ہی شادی ہوئی تھی ۔