مظفر نگر:ریاست اتر پردیش کے ضلع مظفر نگر میں کلیکٹریٹ کے احاطے میں مجلس تحد المسلمین کے کارکنان اور عہدے داروں نے نوح میوات میں دو گروپوں کے درمیان جھڑپ اور بے قصوروں کے گھروں پر بلڈوزر کارروائی کی مذمت کی اور اس میں معاملے ملوث افسران کے خلاف کاروائی کا مطالبہ کیا۔
آل انڈیا مجلس اتحادالمسلمین کے ضلع رہنما عمران قاسمین نے بتایا کہ پورے ملک کے اندر ایک عجیب ماحول بنا ہوا ہے۔نفرت کا بازار گرم کیا جا رہا ہے۔ چند لوگ ہیں جو ہمارے ملک کی فضا خراب کرنا چاہتے ہیں۔ ابھی ہریانہ کے نوح اور میوات کا معاملہ چل رہا ہے۔ وہاں پر مظلوم بے قصورواروں کے گھر اجاڑے جا رہے ہیں۔
انہوں نے کہاکہ ہمارا مطالبہ ہے کہ ان لوگوں کے دوبارہ سے گھر بنائے جائیں اور جو انتظامیہ کے افسران ان پر ظلم کر رہے ہیں۔ ان پر بھی کاروائی کی جائے ۔ ملزمان آج بھی کھلے گھوم رہے ہیں۔ ان کو فورا گرفتار کیا جائے۔ان پر سخت ترین کاروائی کی جائے ان لوگوں کو جیل میں ڈالا جائے کیونکہ یہی لوگ ہیں جو ماحول خراب کرنے والے ہیں۔
یہ بھی پڑھیں:AIMIM Criticizes On Congress اے ائی ایم ائی کے قومی ترجمان کی کانگریس پر تنقید
ان کا کہنا ہے کہ چند لوگ سیاسی مفاد کے لئے نفرت اور تشدد کا سہارا لے رہے ہیں۔ان پر لگام کسنا ضروری ہے۔اس سلسلے میں مجسٹریٹ صاحب کو میمورنڈم سونپا ہے اور امید کرتے ہیں اس سلسلے میں غیر جانبدارانہ کارروائی کی جائے گی۔
