مئو میں کاشتکاروں کو زراعت کی جدید ٹکنالوجی سے آراستہ کرنے کے لئے کسان میلے کا انعقاد کیا گیا ہے ۔ محکمہ زراعت کے زیراہتمام منعقد ہونےوالے کسان میلے میں حکومت کی جانب سے کاشتکاروں کو دی جانے والی سہولیات کی بھی جانکاری دی جارہی ہے ۔ پروگرام کے دوران ہینڈ بل کے ذریعے کاشتکاروں کو مختلف فصلوں کے نئے ورائٹی کے بیجوں سے بھی روبرو کروایا گیا ۔
اس موقع پر ضلع زرعی افسر اومیش کمار نے بتایا کہ کاشتکاروں کو زرعی شعبے کے حوالے سے جدید اور نئی ٹیکنالوجی کے بارے میں معلومات فراہم کرنے کے لیے اس میلے کا انعقاد کیا گیا۔ضلع کے تمام بلاکوں میں ایسے میلے کا انعقاد کیا جانا ہے اور اسی کے تحت آج مئو میں بھی اس کو منعقد کیا گیا۔
انہوں نے مزید کہا کہ پورے ضلع کے تمام بلاکوں میں موجود کاشتکاروں کو کسان میلے کے ذریعے مدد فراہم کی جا رہی ہے ۔اس موقع پر گیہوں اور دھان کی اچھی پیداوار کرنے والے کاشتکاروں کو اعزاز سے بھی نوازا گیا ۔
