ریاست اترپردیش کے دارالحکومت لکھنؤ میں کانگریس جنرل سکریٹری پرینکا گاندھی واڈرا کے بعد سماج وادی پارٹی (ایس پی) سربراہ اور سابق وزیراعلیٰ اکھلیش یادو نے آگرہ کے مئیر کی جانب سے وزیراعلیٰ یوگی آدتیہ ناتھ کو بھیجے گئے خط کی حمایت کی، اور کہا کہ 'آگرہ ماڈل' شہر کو 'ووہان' بنادے گا۔
ایس پی سربراہ نے کہا کہ میئر کے مطابق عالمی وبا کورونا سے مقابلے کے لیے وزیراعلیٰ کا 'آگرہ ماڈل' پوری طرح سے فیل ہوچکا ہے۔
انہوں نے کہا کہ حکومت کا یہ ماڈل آگرہ کو چین کا ووہان شہر بنا دے گا، انہوں نے کہا کہ ہسپتالز میں پرسونل پروٹیکٹیو ایکیپمنٹ (پی پی ای) کٹ بھی نہیں، اور کوارنٹین مراکز کی بدحالی سے لوگوں کی جانیں تک جاسکتی ہے۔
مسٹر یادو نے پیر کو ٹوئٹ میں لکھا ہے 'وزیراعلیٰ کی جانب سے کافی معترف کورونا سے مقابلے کا آگرہ ماڈل میئر کے مطابق فیل ہوکر آگرہ کو ووہاں بنا دے گا۔
انہوں نے کہا کہ نہ جانچ، نہ دوا، نہ دیگر بیماریوں کے لیے سرکاری یا پرائیویٹ ہسپتال، نہ پی پی ای کٹ اور اس پر کوارنٹین سینٹر کی بدحالی مہلک ثابت ہورہی ہے۔'جاگو سرکار جاگو۔
