ریاست اترپردیش کے ضلع بجنور میں دن دہاڑے بائیک پر سوار چار بدمعاشوں نے اسٹامپ فروش سے زبردستی نو لاکھ روپے کی قیمت کے اسٹامپ و ساٹھ ہزار روپے کی نقدی لوٹ کر بدمعاش فرار ہوگئے، جبکہ پولیس بدمعاشوں کی تلاش کررہی ہے۔
بجنور میں دن دہاڑے لاکھوں کی لوٹ
واقعہ دراصل یہ ہے کہ بجنور ضلع چاند پور کے درباڑہ دہلی شاہراہ پر پون کمار نام کا سٹامپ فروش کار سے سوار ہو کر جارہا تھا کہ سامنے سے بائیک سوار بدمعاشوں نے پون کمار کو روک کر زبردستی اس کے پاس سے نو لاکھ روپے کی قیمت کے اسٹامپ و ساٹھ ہزار روپے کی نقدی رقم لے کر فرار ہوگئے۔
پون نے جب اس کی مخالفت کی تو بدمعاشوں نے پون کے سر میں طمنچے کی بٹ ماری، جس کی وجہ سے پون زخمی ہوگیا۔
اس واقعے کے بعد جب اس کی خبر پولیس کو دی گئی تو موقع پر پہنچی پولیس نے کیس درج کرکے بدمعاشوں کی تلاش شروع کردی۔
