ملک بھر میں شہریت ترمیمی قانون اور این آر سی کے خلاف احتجاجی مظاہرے جاری ہیں۔ عوام کے ساتھ ساتھ اب وکلاء بھی اس قانون کے خلاف میدان میں آگئے ہیں۔ کچھ ایسا ہی نظارہ ضلع رامپور میں دیکھنے کو ملا۔
سی اے اے اور این آر سی کے خلاف وکلاء کا احتجاج
این آر سی اور سی اے اے کے خلاف نعرے لکھی تختیاں لیے وکلاء کا ایک قافلہ ضلع مجسٹریٹ کے دفتر پہنچا اور اس قانون کے خلاف زبردست نعرے بازی کی۔
اس موقع پر رامپور بار ایسوسی ایشن کے رکن اور وکیل ضمیر رضوی نے کہا کہ ہم اس قانون کے خلاف قانون کے دائرے میں رہ کر اپنا احتجاج بلند کر رہے ہیں۔
سی اے اے اور این آر سی کے خلاف وکلاء نے ضلع مجسٹریٹ کو صدر جمہوریہ کے نام ایک میمورنڈم بھی دیا اور اس قانون کو واپس لینے کی مانگ کی۔
