آل انڈیا مسلم پرسنل لا بورڈ کے سیکریٹری و بابری مسجد ایکشن کمیٹی کے کنوینر ظفریاب جیلانی کو آج برین ہیمریج ہوا، جس کے بعد انہیں میدانتا ہسپتال میں بھرتی کیا گیا ہے۔
معلوم رہے کہ کچھ روز پہلے ظفریاب جیلانی گر گئے تھے، جس سے ان کے سر پر چوٹ لگ گئی تھی۔ میدانتا ہسپتال کے ڈائریکٹر راکیش کپور نے ہیلتھ بلیٹن جاری کرتے ہوئے بتایا کہ ظفریاب جیلانی کے سر پر چوٹ لگی ہے، ان کا بلڈ پریشر بھی زیادہ ہے، ایم آر آئی و دوسری جانچ کرائی جا رہی ہے۔ فی الحال انہیں آئی سی یو میں رکھا گیا ہے، جہاں ڈاکٹرز کی ٹیم ان کی نگرانی کر رہی ہے۔
ای ٹی وی بھارت سے فون پر بات چیت کے دوران ظفریاب جیلانی کے چھوٹے بھائی مسعود جیلانی نے بتایا کہ جیلانی صاحب برین ہیمریج کے بعد بے ہوش ہو گئے تھے، جس کے بعد پہلے انہیں ابن سینا ہسپتال میں دکھایا گیا، لیکن اب وہاں سے ان کی حالت دیکھتے ہوئے میدانتا ہسپتال میں بھرتی کیا گیا ہے۔ ابھی ان کی حالت تشویشناک بنی ہوئی ہے۔
مزید پڑھیں:
اقوام متحدہ کی جنرل اسمبلی کے ہنگامی اجلاس میں متعدد رہنماوں کا خطاب
مسعود جیلانی نے اپیل کی ہے کہ سبھی لوگ ظفریاب جیلانی صاحب کی صحت کے لئے دعا کریں۔
